حوار من مسلسلات في تاريخ الدراما

-اوعي تفتكرى أن انا مش فهماكي وعارفة اللي في دماغك... أنتي من صغرك وأنتي ميملاش عينك اللي في ايدك ودايما تبصي للي في ايد غيرك..زمان كنتي بتخدمي في البيت الكبير زيك زى نجية وسعدية ..بس مرضتيش تبقي خدامة.. لفّيتي علي شوقي وبلفتيه وجرّيتي رجله عشان تبقي ست من ستات البيت!
= وده بقا اللي شعلل النار جواكي يا دولت، مقدرتيش تنسي أن شوقي فضّلني عليكي
-أنتي بتخرفي بتقولي ايه ..انا مالي أنا ومال شوقي أنا اتجوزت حافظ قبل شوقي مايتجوزك!

= معلش، لو كنتي نسيتي أفكرك.. لما ابوكي سليل الحسب والنسب اللي من اصل تركي ولا شركسي معرفش بقا رمي حباله علي الحج رضوان عشان ياخد ولد من ولاده.. ورّاكي الاتنين حافظ وشوقي واختارتي انتي شوقي.. لكن شوقي بقا كان قلبه مشغول بيا أنا، ولما الحج قاله لاء.. وبعد كده رجع وقال لابوكي مفيش غير حافظ.. ولما عرفتي النار شعللت جواكي ونسيتي الأدب والأخلاق والتربية يا بنت الذوات.. ولما شوقي فضل مصهين عنك سوقتي عليه الخاطبة وبعتيله جواب.. الجواب ده موجود عندى لو عايزة تشوفيه يا دولت، شوقي رد علي الجواب بالكلام وقال للمرسال تقولك أن قلبه مش فاضي، ولما عرفتي أن مفيش فايدة اتجوزتي حافظ، وكان نفسك تعرفي مين اللي فضلها شوقي عليكي ..ولما عرفتي أنها زينب بنت الاسطي جعفر قامت قيامتك والنار بقت حريقة وشعللت جواكي.. حريقة تبعديها عن نفسك عشان تحرقي بيها ولاد شوقي وزينب مش هو ده الحساب اللي عاوزه تصفيه معايا يا دولت؟
= ومش هرتاح إلا لما يتصفي معاه كل دمك يا زينب، اوعي تفتكرى اني هسيبك تلطشي حافظ هو كمان!
=حافظ!انتي فكراني انا عايزة حافظ؟!!..أنا فعلا عايزاه بس بقا مش زى أفكارك الواطية ما بتصورلك، انا عايزة حافظ في يوم من الأيام عشان اقدر احاسبه وأقدر أخد تارى وتار ولادى، ويقدملنا كشف حساب بكل مليم سرقه وكل ساعه سرقها من عمر أخوه ده حافظ اللي أنا عايزاه يا دولت وهطوله في يوم من الأيام بإذن الله!
-انتي فاكرة انك تقدرى تطولي شعره واحدة من راس حافظ...حافظ بيه الوجيه المليونير.. حافظ بيه اللي ساكن في الزمالك وبيعلم ولاده في الفرير و"المير دي ديو" ، حافظ بيه اللي مش قادر يقول لولاده لغاية دلوقتي أن ولاد عمهم بيلعبوا في حوارى المغربلين وبيتعلموا في مدارس الحكومة اللي بلاش لغاية الإبتدائي بالكتير، وبعد كده الولاد هيتفرقوا علي دكاكين السمكرية والبنات هيتعلموا كار أمهم ويخدموا في البيوت.
=ده أملك يا دولت!بس انا بقي أملي غير كده خالص، بس أقدر أقولك حاجه انا مقدرش أضمن بكره ولا أضمن ليا ولولادى ثانية نعيشها، بس اللي أقدر اقولهولك يا دولت أن ولاد شوقي وزينب هيكبروا ويتعلموا وهيبقوا احسن من ولاد دولت وحافظ
-بكره الأيام تجرى يا زينب وهنلم ولادك من الشوارع والاصلاحيات
=هنشوف يا دولت والزمن بينا.

الشهد والدموع ج١_ ١٩٨٣

تقريباً ده كان أقوي حوار بين اتنين ستات في تاريخ الدراما بدون اسفاف

_طنط انا سمعت ان حضرتك متعلمة فى مدارس راهبات
=ايوه

_واللى اعرفه ان المدارس دى بتبقى شـ.ـديدة فى تعليم البنات السلوك المتحضر
=ده صحيح

_وهو برضوا التصنت على مكالمات الناس يعتبر سلوك متحضر
=........

_ودلوقتى انا تحت أمرك ، حضرتك كنتى عايزانى فى إيه
=براڤو يا إيمان كسبتى اول بنط عليا ، بس البنط الأهم انا اللى هكسبه

_بنط إيه يا طنط هو احنا بنلعب كوتشينة
=ما انتى اللى دورتى على نقطة ضـ.ـعف عشان تهـ.ـاجمينى وتنهى حسابى معاكى قبل ما يبدأ

_حساب إيه بس
=قبل ما نتكلم فى الحساب ، نتكلم عالنقطة اللى هـ.ـاجميتنى فيها ، انا صحيح اتربيت فى مدارس أجنبية وصحيح اتعلمت ان التجـ.ـسس على الناس عـ.ـيب ، بس انا ما اتجسـ.ـستش عليكى ولا انتى بالنسبالى مجرد ناس ، انتى بنت اخويا وفى ظروف غيابه وتحميله ليا مسؤليتكم تبقى بنتى وواجبى اعرف عنك كل حاجة ، يعنى لما تتأخرى برا البيت وأسألك واكتشف انك بتكـ.ـدبى وتهـ.ـربى من مواجهتى ، وبعدين الاقى واحد غـ.ـريب بيطلبك هنا فى البيت يبقى لازم اعرف كل حاجة

_بس احنا بابا عمره ما عودناش على كده ، بابا عمره ما فى حياته رفع سماعة التليفون عشان يسمع مكالمة لأى حد فينا
=بابا طول عمره بيحجل

_بيحجل ، بيحجل يعنى ايه
=زى الغراب ما بيحجل ، صعيدى متربى على عادات وتقاليد الصعايدة ، لما نزل مصر حَب يغير جلده ، معرفش يغيره بالكامل ومعرفش يرجع زى زمان بالظبط زى الغراب ، ماهو الغراب فى الحدوتة كان بيمشى مشية عادية وحلوة لكن شاف الطاووس ماشى يتمخطر ويتمايل قال لأ مشية الطاووس أحلى انا لازم امشى زيه ، قعد ليل ونهار يقلد مشيته معرفش حب يرجع لمشيته الأصلية إتفاجئ انه نسيها وفضل كده هو و ذريته يحجل ، لا قِدر يبقى طاووس ولا عرف يرجع يبقى غراب

_بس بابا ما فشـ.ـلش زى الغراب اللى فى الحدوتة ، بابا عرف يبقى طاووس
=مكانش جِرى يستنجد بيا ، اوعى تفتكرى إنه لاجئلى عشان معرفش يلاقى أى حد يقعد معاكم ، لأ ماهو طنط شهيرة كانت موجودة معاكم وهو عارف ان إنتوا قد ايه متعلقين بيها وبتفضلوها عن غيرها ، بابا كان عايزنى انا بالذات عشان أصلّح اللى خسّـ.ـره هو وفكّر فيا انا عشان أمشيكوا صح

_إنتى مصدقة نفسك يا طنط
=انتى مش مصدقانى يا ايمان

_لا مصدقاكى ولا قادرة أفهمك
=بكره تصدقيني وتفهمينى ، ودلوقتى بقى يعنى عشان توفرى على نفسك لفَّة طويلة تقعدى وتصارحينى بحكايتك مع مسعد ولا مصممة تنكرى وتكابرى

_حضرتك بتسألينى ولا بتدينى إنذار
=بسألك لكن لو تحبى انه يبقى إنذار متفرقش معايا

_بس انا بقى تفرق معايا عشان برفض الإنذار
=والسؤال

_وما احبش حد يستجوبنى ، ما تسبينى لنفسى خلينى انا اجيلك لما ابقى محتاجة اتكلم ، مش مضطـ.ـرة أتكلم

=بس انا لازم اتطمن ولازم اعرف كل حاجة يا إيمان وهعرف

من مسلسل #امراة_من_زمن_الحب