مواقف عامة فى حياتنا الخاصه

ماتت 
وسابت صورتها الشخصيه ممثلة وموبيلها المشفر بكلمة السر لآ احد يعرفهٱ وموبيلهٱ ملياٱن اغٱاني .. 
مَاتت 
وساٱبت خلفها دولاب مليٱان بالبناطيل و القصير والشفاف والعاري .. 
مَاتَت
وهي مقصره في صلاتها وقد اخرتها عن وقتها 
مَاتَت
ْوصور ايديهٱا ،، جسمها ،، شعرها منتشره في التواصل الاجتماعي 
مَاتَت
وعبايتها المزخرفه و الملونه وعطورها المنتشره ومكياجها وراءها 
يا ترى كيف حالها الان 
جنة ام نٱار
تتمنى الرجوع للدنيا لتمسح كل شئ 
ياليتها #تابت 
ياليتها فكرت #بالموت ولربها عادت 
ياليتها #صامت وعلى #صلاتها حافظت #وحجابها صانت 
لكنها #للشيطان اطاعت 
#ولربها عصت و بقيت على حالها وماتت
رسالة لكي أختي ف الله أصلحي حالك الآن قبل فوات الأوان 
رسالــه لكل غاليــة
توبي قبل فوات الاوااان
اللهم ارزقنا حسن الخاتمه يارب جميعاً .

كلنا بندور عالسعادة صح؟؟

السعادة مش في اللي معاك السعادة في اللي جواك 
السعادة مش فقصر عالي ... ولا توب غالي 
عايز تعيش متعانيش ومتشتكيش
إشتغل فيها بس أوعي تشتغل بيها 
وحط من اللي عندك عنده .... دا كل اللي عندك مش من عندك ..... ده من عنده 
ولما تروح عنده .... هتقول ياريت حطيت كل اللي عندي عنده 
الدنيا امتحان فبص في ورقتك ..... ومتنشغلش باللي حوليك .... إنشغل باللي عليك .... يكفيك شر اللي حوليك 
وانشغل بالدين يكفيك شر الشياطين .... وتنور يوم الدين .... ماهو مالك يوم الدين .... وهتتسأل عن الدين ... مش عن الدكاكين .... ولا الفداديين 
وإزاي تنشغل عنه وكل النعم منهوالرزق كمان منه
                 ●ما من فاه الا الله كفاه ●

أرضيه وانشغل بيه...دا هو خلقك ليه
تعبت من كل حاجه ؟؟؟؟  وهتسيب كل حاجه ؟؟؟؟ ومش واخد معاك حاجه ؟؟؟؟؟
والأمر جاد خطير ....العمر ده قصير ....فيه تحديد مصير 
ياجنه يا نار .... ده جد مش هزار 
وساعتها تقول ياريت .... وياريت تنفع ؟؟؟؟؟؟
لا طبعا متنفعش لان اللي بيروح مبيرجعش.... واللي بينزل مبيطلعش 
واللي بينشغل باللي معاه عن مولاه.... هينزل مش واخد حاجه معاه ..... واللي بينشغل بمولاه عن اللي معاه.... فده ياهناه

           ●عشان كده  لازم نخرج في سبيل الله ●

- انا ياعمي جاى انهارده عشان اتشرف واطلب ايد بنتك اسراء

- طب يا ابني اهلا وسهلا ياترى بقى انت مؤهلاتك ايه وبتشتغل ايه ؟

- والله ياعمي انا عايز اقولك على حاجه تانية الاول قبل موضوع مؤهلاتي وشغلي ده

- حاجة ايه يا ابني

- عيوبى

- عيوبك ! . غريبة دى . انا اول مرة اشوف حد بيبدأ تعريف نفسه بذكر عيوبه . واضح انك صريح يا إبني

- ايوه وهو ده اول عيب حضرتك

- وعيب ليه !. . الصراحة من شيم الكرام . قولي يابنى . انت شوفتها فين ؟

- فى الحمام حضرتك

- نعم !!!

- ايوة زى مابقولك كده . كنت ببص عليها من شباك المنور بقالى سنة ونص . وياما شفتها بتستحمى . . وبصراحة جسمها عجبني جدا وعشان كده انا جيت لحضرتك . .

- انت بتقول ايه ياكلب . انت بتتجسس على بنتي من سنه ونص ! . وبتتكلم عن جسمها كده عيني عينك . انت مجنون ولا ايه !!!!

- ماهو ده العيب التاني حضرتك . انا فعلا كنت مجنون من حوالي سبع سنين بس الحمد لله دخلت المصحة واتعالجت وبقيت كويس جدا . ودى شهادة بتثبت ان قواى العقلية سليمة. اتفضل حضرتك

- انت جاى تشلني . ! انا مش مصدق اللى بسمعه ده . انت عايزني اجوز بنتى لواحد مجنون !!

- كان ياعمي .. انا دلوقتى سليم وبشهادة اكبر دكاتره فى البلد

- سليم ازاى . وانت عمال تهرتل من ساعة ما جيت .

- منا قولت لحضرتك انى صريح . مش احسن ما اضحك عليك وتعرف من بره .

= امشى اطلع بره

- روق ياعمي دانا ميسور الحال جدا وعندى فيلا بتلات جناين فى التجمع . وبابا سايبلى فلوس كتير فى البنك . . وبالنسبة لنقطة الصراحة دى فهى من شيم الكرام زي ماحضرتك قولت . يبقى ايه المشكلة بقى

- فيلا ب3 جناين . امممم ..بس يا ابنى دى صراحة تودي فى داهية . مش بالطريقة دى يعني . اى حد مكاني ممكن مايتفهمش الكلام ده ويعملك مشكلة . حاول تمسك لسانك شوية .

- ياعمى والله دانا بجاهد نفسى كتير عشان مبقاش صريح للدرجه دي . طب تعرف انا قبل ما اجى لحضرتك جاهدت نفسى علشان ماقولكش على السر اللى انت ماتعرفوش طول عمرك

- سر !!! . سر ايه ؟

= لا بلاش بقى عشان ماتحصلش مشاكل

- لا قول . سر ايه ده

= اممم طالما مصمم بقى ، . ف بصراحه كده ياحاج .. اسراء مش بنتك . ومدام منال كان مشيها بطال طول عمرها ومقرطساك

- انت بتقول ايه ياحيوان . لاء دانت فعلا مجنون رسمي

- لاء دى الحقيقة .انا اصلا مهندس برمجيات وقبل ما اجى كان يهمني اعرف كل حاجة عن الاسره وعشان كده اخترقت كل اجهزة الكمبيوتر عندكم وشوفت الرسايل اللى بين مدام منال وبين عشيقها وهى بتقوله انها معادتش قادره تخبي السر ده اكتر من كده .

- وبعدين كمل

- وبعدين اتفقت معاه انها هتروح يوم الاربع ترفع قضية خلع عليك وبعد ما تخلعك . هتاخد اسراء وتسافر بره وهو هيسافر وراهم وهيتجوزوا هناك . واسراء تعيش بينهم . فانا جيت علشان الحق اسراء. عشان بجد مش هقدر اعيش من غيرها .

= انت بتقول ايه !!

- بقول الحقيقة ياعمى يعنى حضرتك هتتخلع ومدام منال هتتجوز وانا اعمل ايه دانا حتى مش قادر امشى من غير الصورة اللى صورتهالها وهى بتستحمى آخر مرة ودايما شايلها فى جيبى . حتى شوف حضرتك

- ان ان انت اكيد بتخرف . انت واحد مج ن وووون . ايوة . امشى اطلع بررررره

- اهدى بس ياعمي . وانا هثبتلك ان كل كلامى صح . مش مدام منال عندها خاتم فضة براس قطة وسلسلة دهب نص قلب . وكمان عندها وحمة تحت باطها الشمال ؟

- ايوه !!!! انت عرفت الكلام ده منين

- منا قولت لحضرتك انى شوفت كل الرسايل اللى بينها وبين عشقيها حتى بالامارة اسمه متولي . اهو الخاتم ده كان هديه منه فى عيد ميلادها . والسلسلة دى كانت ف مناسبة تانيه والوحمة دى بقى كانوا بيتكلموا عنها وقالها وحشتنى وحمتك اخلعيه وتعالى نتجوز بقى . ها ياعمي قولت ايه . نقرا الفاتحة ؟

- قولت ايه فى ايه . انا هيغمى عليا . اسندني . بقى اسراء مش بنتي . ومنال مقرطساني طول عمرى .

- ايوه دى الحقيقة واللى انت ماتعرفوش ان حضرتك مابتخلفش اصلا .

- انا مابخلفش !!! . طب ازاى . انا ليا ابن تاني من واحدة تانيه كنت متجوزها قبل ..

- ايوة ايوة عارفها . مش قصدك مدام سحر وابنها تامر

- ايوه . انت كمان عارفهم

- لاء ياعمي ماتقلقش مافيش تامر

- يعنى ايه مافيش تامر!!!

- بص هو تامر ده كان لعبة كده مدام سحر كانت عملاها عليك عشان تقبض منك شهريات ونفقة . وهو فى الاصل عيل كانت متبنياه شوية وبعدين لما زهقت منه رجعته الملجأ تاني .

=متبنياه !

- ايوه وعل فكرة مدام منال عارفه بس ماقدرتش تقولك عشان مدام سحر برضه عارفه حكايتها مع متولي . بصراحة الاتنين مقرطسينك ياعمي . سيبك بقى من ده كله . وقولى هنكتب الكتاب امتى ؟

- كتاب ايه . انا هموت . اااااااه . قلبي

- لاء ياعمى ماتموتش دلوقت . لازم نكتب الكتاب الاول .

- امشى يابن الكااااااااااالب . قلبى . هموووووووت .

- لاء ماهو حضرتك لو موافقتش على الجواز انا هنشر كل المعلومات دى والصور على النت وساعتها مش بس هتموت . انت هتموت مفضوح كمان .

- ياحيوان يابن الكلب . ياندل

- ماهو ده العيب التالت اللي نسيت اقول لحضرتك عليه انا فوق انى صريح وكنت مجنون سبع سنين فانا ندل جدا .. ها موافق حضرتك ولا نذيع

- موافق . موافق .موافق . خدها . مش عايز اشوفها ولا اشوف حد . سيبوني لواحدي

- طب حيث انك وافقت بقى ياعمي. احب اقولك ان كل الكلام اللى قولتهولك ده مش صحيح

= .......!

- الحقيقة انى مؤلف سينمائى وبحب بنتك جدا و اسراء طلبت مني اثبتلك مواهبي عشان تقدر تثق فيا لانك مابتصدقش غير بالتجربة .ها ايه رايك فيا بقى ؟

- !!! ( يابن الكااااااالب )

- يا اسراء . اسراء . مبروك ياحبيبتى . بابا وافق خلاص

#مشكله #عروسه ..
إيه رأيكوا في جوازة اتفركشت ليلة الفرح عشان لما العروسة روحت شقتها مع العريس ملقتش التلاجة الجديدة بتاعتها اللي اهلها جايبينها ولقت بدالها تلاجة قديمة وطلعت حماتها خدت التلاجة الجديدة وحطتلها التلاجة القديمة ولما العروسة اعترضت وزعقت حماتها بهدلتها ومسحت بيها الارض وقالتلها انتي فاكرة نفسك ايه انتي جاية البيت دة خدامة ليا.. و دة بيت ابني آخد اللي انا عايزاه واعمل اللي انا عايزاه.. وشتمت العروسة بالأب والأم وبهدلتها والعريس واقف بجم مبينطقش.. واهل العروسة فوجئوا ببنتهم يا عيني راجعة لهم بفستان الفرح..وحكتلهم اللي حصل.. وابوها جاب ناس برضو وراح اخد من الشقة كل الحاجات اللي هما جايبينها ودخل شقة ام العريس وخد التلاجة غصب وعمل محضر تبديد قايمة و العريس مسجون ومتبهدل وام العريس راحت لاهل العروسة تعيط واتذللت ليهم وارحموا ابني وبتاع بس الاب كان صعبان عليه الألم النفسي وكسرة الفرحة اللي سببتهم الست لبنته وانها سرقت التلاجة .. ولما راحت تقول لابو العروسة ارحم ابني وحرام عليك وكدة.. قال لها حرمت عليكي عيشتك وانتي مرحمتيش بنتي ليه وانتي عارفة ان اللي عملتيه دة هيكسر فرحتها وممكن يخرب عليها!! وواضح انك كنتي ناوية تطلعي عينيها وتخليها خدامة ليكي زي ما قلتي وانا بنتي مش خدامة لحد..يعني انا اضيع حياتي في اني اربيها واكبرها وتيجي واحدة زيك متسواش حاجة تعمل في بنتي كدة!! والله ما ارحم ابنك ابدا ومش هتنازل عن القضية.. ابنك اللي وقف يتفرج على بنت الناس وهي بتتهزق من بهيمة زيك.. وطردها برة البيت بطريقة مهينة وقال لها لو شفت وشك تاني هسجنك انتي كمان.. عشان تبقي تفكري الف مرة قبل ماتستقوي على اي حد.. انتي استضعفتي بنتي بس مأخدتيش بالك ان وراها راجل ياكلك انتي وابنك لحم ويرميكوا عضم ...
وطبعا كان الشارع كله تقريبا اتفرج عليها..
وبعد تدخل الناس العاقلة والطيبه وعلشان ابو العروسه طيب..
اتنازل عن المحضر ...لكن طلق بنته...
#سؤال. هل والد العروسه كده غلطان؟؟