نصائح زوجيه

حاجات بسيطه بس مفعولها سحر قومى قبل جوزك من النوم بنص ساعة كده اغسلى وشك وسرحى شعرك وحطى ميك اب خفيف

هيحصل ايه لو الحلم ده بقى حقيقه
يا بنات زغرتولى جوزى حبيبى ربنا يخليهولى صحيت من النوم انهاردة ع المغرب كده لقيته بيقولى هودى العيال عند امى ونخرج نتمشى شوية حسيت نفسى هتشل من الفرحة ومكدبتش خبر قومت بسرعة لبست العيال ولبست و روحنا ودينا العيال لحماتى وعلى عكس عادتها مقلتش اروح معاكو وادناها العيال ومشيينا اتمشينا شوية وقالى تعالى نروح نرتاح وندخل اى كافيتيريا ودخلنا وجه الجرسون ومعاه المنيو اخدتها وقعدت ادور على أرخص مشروب لقيت جوزى بيقولى هنتعشى الأول مع انو مبيحبش أكل برا ودى مش من عوايده واتعشينا ومشينا وجابلى ايس نتسلى فيه احنا وماشيين وسودانى ولب كانت خروجه لذيذة ووعدنى أن كل شهر لينا خروجة انا وهو زى دى واحنا مروحين قلتله يلا نعدى نأخذ الولاد قالى لا خليهم يباتو أهو ترتاحى شوية انتى طول اليوم على رجليكى....... فيش حد يعرف فى تفسير الاحلام يفسرلى الحلم ده لحسن من ساعة مصحيت من النوم وانا مخضوضة خير ان شاء الله

#ازاى_تخلى_جوزك_مايبصش_بره 
 


1_اول حاجه لازم تكونى خفيفه ,, 
وخفيفه هنا بمعنى انك ماتتقليش ع الراجل بطلبات كتير خليه يحب قعده البيت الاول وبعد كده اطلبى براحتك ... 
2_لما ييجى من بره بلاش رغى ولوكلوك لوكلوك ع الفاضيه والمليانه ,, سيبى ياخد نفسه بالراحه وبوسيه كده وقوليله وحشتنى وأول ما يقولك وانتى كمان ,,, هاتك يارغى بقا , اوعى تفصلى 
3_لما تيجى تصحيه الصبح عشان شغله او علشان اى حاجه ,,
صحصحى الاول كده واغسلى وشك بشويه ميه وصابون حلوين وسرحى شعرك ,, ماتخضيش الراجل بمنظرك وانتى لسا صاحيه ... 
4_حاولى تسمعيه هو بيقول ايه , وحاولى تبيني انك فاهمه ..
مع انك لا فاهمه ولا حاجه بس اهو حسسيه انه مهم كده وكلامه يوزن بلد ,, قول يا ستامونى قول 
5_ من فتره للتانيه كده قوليله يا سي فلان ,, الرجاله بتحب الخيبه دى اوى والله , بيحبو الللى يدلعهم ويهشتكهم كده هما عيال بقا نعمل ايه ...
6_ مش عيب ابدا ابدا انك تدخلى عليه وهو بيغير هدومه عشان يلبس وينزل لاصحابه 
انك تحضنيه وتبوسيه وتقوليله ماتتأخرش عليا ,,, 
وياسلام بقا لو بوسه في الرقبه وحضن كدا من ضهره
وايدك بصي العامل الاساسي ايدك زي متروح وديها
ياستى والله ماهو خارج وهيفضل قاعد

خصوصا لو انتى لابسه حاجه شفتشى كده ساعتها بقا هتلاقيه اتهوس مش تقلبيله وشك وتقوليله فى مصيبه والبسى حاجه من اللى تهوس دى 
7_وانتى بتاكلى معاه ماتبقيش طفسه وهمك على بطنك .. 
أكليه ف بؤه , بصيله وانتى بتضحكى
وقوليله ياريت كانت شفيفي مكان اللقمه  
قشرى موزه وحطيها ف بؤك وقوليله كلها .. 
مش عيب والله , والله ماهو عيب ,اقسم بالله ماهو عيب , جربوها جاتكوا الهم ...

اخرسي يا بت وما تفتحيش بؤك هو الراجل عارفه يعني ايه يجيلك سكر ضغط جلطه عادي كل فدا الراجل ماتجدليش قولي حااااضر ونعم عشان تعيشى عشان مالكيش أهل يعيني أصلك ماتربتيش وهاتتدخلي بيت جوزك تتربي اتعودي علي الدلال والجمال تبقي حتة انتيكا ف البيت وعيالك كل اللي عليكي نضافتهم واكلهم بس غير كده مالكيش فيه كده يا حلوه تبقي فله وهايجوز عليكى أن شاء الله بس ماتستعجليش
.........................................
النقاش بين الزوجين ولفت نظر بعضهم لأخطاء متوقعه لبعض القرارات والتشاور فيما بينهم شئ مهم وضروري ومن خلق الإسلام أن يقوم ان يقوم الزوج بمساعدة زوجته بالاعباء المنزليه فقد كان رسول الله خادم في بيته ينظف ويحيك ثيابه ويصلح نعله وكان يستمع إلي رأي زوجاته ويتشاور معهن حتي في أمور الدعوه والرجل المتيسر لابد أن يصرف علي بيته قدر دخله ولا يحرمهم كل واحد قدر استطاعته فلا يبخل ولا يكذب ويدعي الفقر ولابد من احترام زوجته والحفاظ علي كرامتها لأنها من كرامته وعدم احراجها أمام أهله أو أصدقاءه ربنا سبحانه وتعالي قال للنساء ( ولكن مثل الذي عليكن بالمعروف ) يعني زي ما بتدي لازم تاخدي بنفس المقدار وعلي الزوج تقديرك ومعاملتك بلطف لأنك كائن ضعيف ولكن بدونك لن تقام البيوت او تعمر فرفقا بالقوارير لمعرفة الإسلام بضعف المرأة وتكمن قوتها في الكلمه الطيبه والمعاملة الحسنه و الثقه في رأيها كل دي حاجات تعتبر شاحن قوي جدا لبطاريه المرأة تجعلها تعطي المزيد بكل الحب والرضا